7-20-25 baǵdarlamasy arqyly ipoteka alǵandardyń basym kópshiliginiń tólemi aiyna 100 myń teńgege jetpeidi, dep habarlaidy "Ult aqparat" «Baspana» ipotekalyq uiymyna silteme jasap.
«Baspana» ipotekalyq uiymy mamandar esebinshe zaim alýshylardyń 60% ai saiyn 100 myń teńgeden kem soma tóleidi.
Bul rette 7-20-25 baǵdarlamasy boiynsha zaim alýshylardyń 6% ǵana eń joǵary somany nesiege alǵan (Astana, Almaty, Atyraý, Aqtaý jáne Shymkent qalalarynda 20 mln teńge, basqa aimaqtarda 12 mln). Zaim basym bóligi, al bul jalpy portfeldiń 37%, 10-nan 15 million teńgege deiingi somada nesie rásimdegen.
«Baǵdarlama óziniń áleýmettik baǵdaryn tolyqtai rastady. Alaida 7-20-25 eń aldymen merzimdilik, tólem qabilettilik jáne qaitarym printsipterine negizdelgen ipoteka ekendigin umytpaýymyz kerek. Ol bank aldynda óziniń tólem qabiletin dáleldegen, jumys isteitin qazaqstandyqqa qoljetimdi», - dedi «Baspana» ipotekalyq uiymy basqarma tóraǵasy Qairat Altynbekov.
24 qazan kúngi jaǵdai boiynsha, 7-20-25 baǵdarlamasy boiynsha bir de bir qaitarylmaǵan qaryz joq. Qazaqstandyqtar jalpy jinyny 44,5 mlrd teńgeniń nesiesine ótinish bergen. Bankter onyń ishinen somasy 30 mlrd teńge bolatyn 2 513 ótinimdi maquldaǵan.
