Jaqynda "7-20-25" baǵdarlamasyna balama nusqa usynylady. Bul týraly indýstriia jáne infraqurylymdyq damý ministri Qaiyrbek Óskenbaev aitty, - dep habarlaidy Tengrinews.kz.
"Biz birinshi kezekte halyqtyń áleýmettik osal toptaryna alańdaimyz, alaida jumys istep, otbasy quratyn adamdardyń negizgi bóligin umytyp ketemiz. Olardy qamtamasyz etý úshin qazir otbasynyń tsifrlyq portreti arqyly ataýly áleýmettik kómek kórsetý máselesin qarastyryp jatyrmyz.
Sanat boiynsha bólý emes. Ár otbasyna qatysty, onda týyndaǵan qiyndyqtarǵa súienip, jeke kómek kórsetý. Biraq bul áli qaraý satysynda. Keleshekte muny isteý kerek", - dedi Úkimet kýlýarynda jýrnalisterge Qaiyrbek Óskenbaev.
Sonymen qatar, onyń aitýynsha, jaqyn arada "7-20-25" baǵdarlamasyna balama usynylmaq.
"Jalpy massany qalai qamtamasyz ete alamyz, "7-20-25" aiaqtalyp keledi, sondyqtan basqa baǵdarlamany usynýymyz kerek. Bul suraq boiynsha oilanamyz. Jaqynda tanystyramyz. Sebebi zań aiasynda qazirdiń ózinde qarastyryp jatyrmyz. Eń bastysy, bastapqy jarna jáne qoljetimdi mólsherleme, eger ol jumys istese, 7 paiyzdan aspaidy", - dep jaýap berdi ol.
