Foto: 7kun.kz
Qazaqstan Ulttyq Banki (budan ári – QUB) «7-20-25» ipotekalyq turǵyn úi kreditteý baǵdarlamasyn bekitý týraly» qaýlyǵa ózgerister men tolyqtyrýlar engizilgeni týraly habarlaidy. Bul týraly Ulttyq Bankke silteme jasap Ult.kz habarlaidy.
Ulttyq Bank Basqarmasynyń qaýlysynda mynadai ózgerister:
- Astana, Almaty qalalary jáne olardyń qala mańy aimaqtary, sondai-aq Aqtaý, Atyraý, Shymkent qalalary úshin satyp alynatyn turǵyn úidiń eń joǵary qunyn 25 mln teńgeden 30 mln teńgege deiin;
- Qaraǵandy qalasy úshin 20 mln teńgeden 25 mln teńgege deiin;
- basqa óńirler úshin 15 mln teńgeden 20 mln teńgege deiin ulǵaitý kózdeledi;
- qaryz alýshylarǵa tólem qabilettiligin rastaý úshin teń qaryz alýshyny (teń qaryz alýshylardy) ǵana emes, kepilgerdi de tartý múmkindigi beriledi.
Bul normalar ipotekalyq turǵyn úi qaryzdarynyń qoljetimdiligin arttyrý jáne turǵyn úidi satyp alý sharttaryn jaqsartý úshin engiziledi.
Ipotekalyq turǵyn úi qaryzdarynyń parametrleri men Baǵdarlamanyń qaýlymen qozǵalmaǵan talaptary ózgerissiz qalady.
«7-20-25» baǵdarlamasy azamattardy 20%-dan bastalǵan bastapqy jarnasy kezinde merzimi 25 jylǵa deiingi jeńildigi bar jyldyq 7% mólsherlemesimen qoljetimdi ipotekamen qamtamasyz etý úshin 2018 jyly iske qosyldy.
2025 jylǵy 2 qazandaǵy jaǵdai boiynsha baǵdarlama sheńberinde 1,1 trln teńge somaǵa 81,8 myń jeńildigi bar qaryz berildi.
Qaýlynyń tolyq mátinimen QUB resmi internet-resýrsynda tanysýǵa bolady.
Ózgerister men tolyqtyrýlar qaýly qabyldanǵan kúnnen bastap kúshine enedi.
