فوتو: 7kun.kz
قازاقستان ۇلتتىق بانكٸ (بۇدان ەرٸ – قۇب) «7-20-25» يپوتەكالىق تۇرعىن ٷي كرەديتتەۋ باعدارلاماسىن بەكٸتۋ تۋرالى» قاۋلىعا ٶزگەرٸستەر مەن تولىقتىرۋلار ەنگٸزٸلگەنٸ تۋرالى حابارلايدى. بۇل تۋرالى ۇلتتىق بانككە سٸلتەمە جاساپ Ult.kz حابارلايدى.
ۇلتتىق بانك باسقارماسىنىڭ قاۋلىسىندا مىناداي ٶزگەرٸستەر:
- استانا, الماتى قالالارى جەنە ولاردىڭ قالا ماڭى ايماقتارى, سونداي-اق اقتاۋ, اتىراۋ, شىمكەنت قالالارى ٷشٸن ساتىپ الىناتىن تۇرعىن ٷيدٸڭ ەڭ جوعارى قۇنىن 25 ملن تەڭگەدەن 30 ملن تەڭگەگە دەيٸن;
- قاراعاندى قالاسى ٷشٸن 20 ملن تەڭگەدەن 25 ملن تەڭگەگە دەيٸن;
- باسقا ٶڭٸرلەر ٷشٸن 15 ملن تەڭگەدەن 20 ملن تەڭگەگە دەيٸن ۇلعايتۋ كٶزدەلەدٸ;
- قارىز الۋشىلارعا تٶلەم قابٸلەتتٸلٸگٸن راستاۋ ٷشٸن تەڭ قارىز الۋشىنى (تەڭ قارىز الۋشىلاردى) عانا ەمەس, كەپٸلگەردٸ دە تارتۋ مٷمكٸندٸگٸ بەرٸلەدٸ.
بۇل نورمالار يپوتەكالىق تۇرعىن ٷي قارىزدارىنىڭ قولجەتٸمدٸلٸگٸن ارتتىرۋ جەنە تۇرعىن ٷيدٸ ساتىپ الۋ شارتتارىن جاقسارتۋ ٷشٸن ەنگٸزٸلەدٸ.
يپوتەكالىق تۇرعىن ٷي قارىزدارىنىڭ پارامەترلەرi مەن باعدارلامانىڭ قاۋلىمەن قوزعالماعان تالاپتارى ٶزگەرiسسiز قالادى.
«7-20-25» باعدارلاماسى ازاماتتاردى 20%-دان باستالعان باستاپقى جارناسى كەزٸندە مەرزٸمٸ 25 جىلعا دەيٸنگٸ جەڭٸلدٸگٸ بار جىلدىق 7% مٶلشەرلەمەسٸمەن قولجەتٸمدٸ يپوتەكامەن قامتاماسىز ەتۋ ٷشٸن 2018 جىلى ٸسكە قوسىلدى.
2025 جىلعى 2 قازانداعى جاعداي بويىنشا باعدارلاما شەڭبەرٸندە 1,1 ترلن تەڭگە سوماعا 81,8 مىڭ جەڭٸلدٸگٸ بار قارىز بەرٸلدٸ.
قاۋلىنىڭ تولىق مەتٸنٸمەن قۇب رەسمي ينتەرنەت-رەسۋرسىندا تانىسۋعا بولادى.
ٶزگەرٸستەر مەن تولىقتىرۋلار قاۋلى قابىلدانعان كٷننەن باستاپ كٷشٸنە ەنەدٸ.
