Indýstriia jáne infraqurylymdyq damý ministriniń orynbasary Erkebulan Daýylbaev Senattyń Úkimet saǵatynda «7-20-25» baǵdarlamasyn jalǵastyrýdy usyndy, dep habarlaidy QazAqparat.
«Aldaǵy 7 jyl ishinde 111 mln sharshy metr turǵyn úi salý josparlanǵan. Úleskerlik tásilmen salynýy tiis bolǵan barlyq problemalyq úilerdiń qurylysy aiaqtalady.
Apatty jaǵdaida dep tanylǵan jáne tozyǵy jetken 40 myńǵa jýyq turǵyn úi ielerin jańa turǵyn úimen qamtamasyz etý kózdelip otyr», - dedi ministrdiń orynbasary.
Sondai-aq, ol jappai turǵyn úi qurylysy salynatyn alqaptarda injenerlik kommýnikatsiialar salý jalǵasatynyn atap ótti.
«Ulttyq banktiń «7-20-25» ipotekalyq baǵdarlamasy jalǵastyrylady.
Tutastai alǵanda, qabyldanyp jatqan sharalar halyqtyń qalyń jigi úshin turǵyn úidiń qoljetimdiligin qamtamasyz etýge baǵyttalǵan jáne jumys oryndaryn saqtai otyryp, ekonomikany, kásipkerlikti damytýǵa oń áserin tigizedi», - dedi vitse-ministr.
