Foto: gov.kz
Almaty oblysynyń Qarasai jáne Uiǵyr aýdandarynda politsiia qyzmetkerleri eki qylmystyq toptyń jolyn kesti, dep habarlaidy Ult.kz.
Tergeý barysynda olardyń áreketi aldyn ala muqiiat josparlanǵany belgili boldy. Kúdiktiler dalada qaraýsyz jaiylyp júrgen maldy tańdap, ony jaqyn mańdaǵy tasjoldarǵa qarai aidap aparǵan. Sol jerde kútip turǵan júk kóligine tiep, keiin urlanǵan maldy kórshiles aýdandarǵa jetkizip, jergilikti turǵyndarǵa ótkizip otyrǵan.
Qazirgi ýaqytta ustalǵandardyń 7 million teńgeden astam somaǵa baǵalanǵan 69 bas usaq maldy, sondai-aq shamamen 20 million teńge turatyn 43 bas iri qarany urlaýǵa qatysy bary dáleldendi. Barlyq kúdiktiler qamaýǵa alyndy.
"Qazaqstan Respýblikasynyń zańnamasyna sáikes mal urlaǵany úshin múlki tárkilenip, 12 jylǵa deiin bas bostandyǵynan aiyrý jazasy qarastyrylǵan.
Aýyl sharýashylyǵy janýarlarynyń ielerin qaýipsizdik máseleseni erekshe nazar aýdarýǵa shaqyramyz: maldy tańbalaý jumystaryn júrgizip, múmkindiginshe jaiylymdy baqylaýdy qamtamasyz etý qajet", - dedi IIM.
