Foto: Tengrinews.kz / Turar Qazanǵapov
660 myńnan asa qazaqstandyq bank kartalaryn kúmándi maqsatta qoldanǵan, - dep habarlaidy «Ult aqparat» Massaget.kz - ke silteme jasap.
Túrli kúmándi maqsattarǵa aqsha jinaýǵa 138 banktik karta (kraýdfandingke) tartylǵan. Jalǵan kómek suraýshylarǵa 660 myńnan astam qazaqstandyq óz aqshalaryn joldaǵan.
Bul týraly QMA alańynda Dmitrii Malahovtyń tóraǵalyǵymen ótken Qylmystyq jolmen alynǵan kiristerdi zańdastyrýdyń (jylystatýdyń) aldyn alý jáne terrorizmdi qarjylandyrý men jappai qyryp-joiý qarýyn taratý máseleleri jónindegi vedomstvoaralyq keńestiń kezekti otyrysy barysynda belgili boldy.
Jalpy jinalǵan qarjy somasy - 6 mlrd teńge, onyń 33 paiyz (2 mlrd) alaiaqtyq belgileri bar.
Áleýmettik jelilerde ujymdyq qarajat jinaýdyń qaýipteri jáne olardy odan ári maqsatsyz paidalaný anyqtaldy. QMA basshysy Dmitrii Malahov josyqsyz azamattar "em" jáne "jaǵdaiy tómen adamdarǵa kómek kórsetý" úshin qaiyrymdylyq qyzmeti men kómek kórsetý túrindegi qarajat jinaýdy kedergisiz jáne baqylaýsyz júzege asyratynyn atap ótti.
Ziiankester aqshany jyljymaly jáne jyljymaityn múlikti satyp alýǵa, turmystyq shyǵyndarǵa, býkmekerlik keńselerde bás tigýge jáne sheteldegi qymbat páterlerdi jalǵa alýǵa jumsaidy.
Janashyr azamattardyń jaqsy nieti, "jalǵan" muqtajdar úshin ońai tabysqa ainalýy múmkin.
