Qazaqstan ókiline 65 million eýroǵa páter satqan rieltor Sputnik Qazaqstanǵa memlekettik qurylymdardan qońyraý shalynǵanyn habarlady.
Belgiialyq broker Ignas Miývissenniń aitýynsha, ótken aptada atalǵan jaǵdaiǵa bailanysty kompaniiaǵa habarlasyp, máseleni anyqtamaq bolǵandar kóbeigen.
"Vedomstvodan da qońyraý shalǵanyn atap ótkim keledi, alaida, meniń pikirimshe, olardan aldyn ala hat almaǵandyqtan maǵan eshkimniń qońyraý shalýǵa quqy joq. Meniń nómirimdi qaidan alǵanyn bilmeimin. Vedomstvodan bireý habarlasty, dál ataýy esimde qalmady, ol salyq salý máselesin qadaǵalaidy. Olar qojaiynnyń atyn aita alasyz ba dep surady. Men qupiialylyq saiasatyn basshylyqqa alyp, klientimniń aty-jónin ataǵan joqpyn", — deidi Ignas Miývissen.
Buǵan deiin Mansion Global jyljymaityn múlik agenttiginiń saity Qazaqstan úkimetiniń resmi ókili Parijde quny 65 million eýro (25 milliard teńge) bolatyn qymbat páter satyp aldy dep jazǵan bolatyn.
Agenttiktiń málimetinshe, qaýipsizdik deńgeii asa joǵary úidiń aýmaǵy 13 myń sharshy fýtqa (12 myń sharshy metr) jýyqtaidy. Páterde bes jatyn bólme, bes jýynatyn bólme, sondai-aq SPA-aimaq jáne úi qyzmetkerlerine arnalǵan bólmeler bar. Buǵan qosa úide aýmaǵy 55 sharshy metr panalaityn arnaiy oryn, oq ótpeitin shyny jáne qaýipsizdik qyzmetine arnalǵan bólmeler qarastyrylǵan.
Kóp uzamai QR SIM basshysy Qairat Ábdirahmanov bul aqparatqa qatysty pikir bildirdi. Eń aldymen, ol jyljymaityn múlik memlekettiń aqshasyna satyp alynbaitynyn atap ótti.
"Bul, shyn mánisinde, áldebir maklerdiń málimdemesine negizdelgen sybys. Eger áńgime Qazaqstan úkimeti atynan páter satyp alý týraly bolsa, bizde ondai maqsatqa arnaiy protsedýralar qarastyrylǵan, biýdjetti parlamentte bekitýge deiingi sharalar júrgiziledi", — dep túsindirdi ol.
Sonymen qatar Ábdirahmanov áńgime jeke investitsiialar týraly bolsa, vedomstvoda ondai aqparat joq ekenin aitty.
"Bizge ondai aqparat berilmeidi, ol erkin naryq", — dedi IIM basshysy.
"Klienttiń atyn aitpaýǵa quqym bar. Dál qazir Qazaqstannyń qurylymdary menen ondai málimetti suraýǵa quqy bar-joǵyn bilmei turmyn. Eger birdeńeden kúdiktense, olardyń aiǵaǵy bolýy kerek. Alaida meniń oiymsha, qazaqstandyqtar múlikti shetelde emes, Qazaqstanda satsam ǵana menen birdeńe suraýyna bolady", — dep tolyqtyrdy Miývissen.
Brokerdiń pikirinshe, ózine qońyraý shalǵan adamdar kásibi turǵydan áreket etpegen. Ótinish aitqan vedomstvodan ol áli resmi hat almpaty.
