Jasóspirimder arasyndaǵy býlling pen kiberbýlling búgingi kúni ózekti máselelerdiń birine ainalyp otyr. Sondyqtan onymen kúresý joldarynyń biri – býllingke ushyraǵan balaǵa kómek kórsetetin múmkindikterdi kóbeitý.
Almaty qalasynda býllingke qatysty shaǵym negizinen senim telefondary arqyly túsetin kórinedi. Ótken oqý jylynda osyndai 457 ótinish tirkelse, onyń barlyǵy senim telefony, 111 biryńǵai bailanys jelisi men konsýltatsiialyq alańdar arqyly kelip túsken. Mamandar árqaisysyn tekserip, qajet bolǵan jaǵdaida psihologtar, áleýmettik qyzmetkerler men basqa da beiindi qyzmetti osy iske tartqan.
Sonymen qatar mamandar býllingke qatysty profilaktikalyq jumystarynyń mańyzy zor ekenin de aityp otyr.
Almaty qalasy balalardyń quqyqtaryn qorǵaý basqarmasynyń basshysy Janat Jeńisbekqyzy Almatyda ótken baspasóz konferentsiiasynda tilshimizdiń suraǵyna jaýap berý kezinde býlling pen kiberbýllingtiń aldyn alý boiynsha qandai sharalar qoldanylyp jatqanyn aityp berdi.
Foto: Almaty óńirlik kommýnikatsiialar qyzmeti
«Bizdiń basqarma eki ai boldy jumysyn bastady. Osy ýaqyt ishinde aýdan-aýdan boiynsha ata-analar, turǵyndar arasynda túsindirý jumystary júrgizilip jatyr. Sonymen qatar, «Almaty – qaýipsiz balalyq shaq» degen keremet joba iske qosylǵaly jatyr. Sol joba aiasynda birqatar jumystar júrgizý josparlanyp otyr. Naqty aityp ketsem, tamyz aiynda memlekettik meketepterdiń basshylary jáne tárbie jónindegi orynbasarlaryna úlken seminar ótkizgeli jatyrmyz. Sonymen birge mektep psihologtaryna júie boiynsha qalai jumys isteý kerektigin jáne biryńǵai algoritmdi qalai engizý qajet, qalai jumys isteý kerektigi týraly talqylaimyz», – dedi Janat Jeńisbekqyzy.
Basqarma basshysynyń sózinshe tek 2025 jyldyń ózinde Almaty mektepterinde býllingtiń yqtimal jaǵdailary týraly 638 habarlama tirkelgen. Ár ótinish muqiiat tekserilip, balalar men janjalǵa qatysýshylarǵa psihologiialyq ári pedagogikalyq kómek kórsetilgen. Býllingtiń rastalǵan alty faktisi boiynsha kámeletke tolmaǵandardyń zańdy ókilderi ákimshilik jaýapkershilikke tartyldy.
