1,5 mln-ǵa jýyq qaryz alýshynyń problemaly krediti bar. Bul týraly QR Qarjy naryǵyn retteý jáne damytý agenttiginiń tóraǵasy Mádina Ábilqasymova málim etti, dep habarlaidy QazAqparat.
«Bankterde jeke tulǵalarǵa qatysty 6,2 mln adamnyń nesiesi bar», - dep toqtaldy Ábilqasymova Parlament Májililisinde tilshiler saýalyna jaýap bere otyryp.
Onyń aitýynsha, sońǵy jyldary problemaly qaryz alýshylardy anyqtaý boiynsha aýqymdy jumystar atqaryldy.
«Banktiń teńgeriminde turǵan problemaly qaryz alýshylar bar, sonymen qatar balanstan tys osyndai qaryzdar tirkelgen. Biz tiisti esepteýler júrgizip, osyndai problemaly qaryz alýshylardy jalpy sanyn anyqtadyq. Eger barsha bank pen mikroqarjy uiymyn, sondai-aq bankterdiń kollektorlarǵa satqan qaryzdaryn qamtysaq, onda 1,5 mln-ǵa jýyq qaryz alýshynyń problemaly nesiesi bar», - dedi ol.
Agenttik basshysy bankterdiń balansynda 430 myńǵa jýyq problemaly nesie tirkelgenin aitty. Al qalǵany mikroqarjy uiymdary men bankterdiń balanstan tys tiziminde qamtylǵan.
