1,5 ملن-عا جۋىق قارىز الۋشىنىڭ پروبلەمالى كرەديتٸ بار. بۇل تۋرالى قر قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆا مەلٸم ەتتٸ, دەپ حابارلايدى قازاقپارات.
«بانكتەردە جەكە تۇلعالارعا قاتىستى 6,2 ملن ادامنىڭ نەسيەسٸ بار», - دەپ توقتالدى ەبٸلقاسىموۆا پارلامەنت مەجٸلٸلٸسٸندە تٸلشٸلەر ساۋالىنا جاۋاپ بەرە وتىرىپ.
ونىڭ ايتۋىنشا, سوڭعى جىلدارى پروبلەمالى قارىز الۋشىلاردى انىقتاۋ بويىنشا اۋقىمدى جۇمىستار اتقارىلدى.
«بانكتٸڭ تەڭگەرٸمٸندە تۇرعان پروبلەمالى قارىز الۋشىلار بار, سونىمەن قاتار بالانستان تىس وسىنداي قارىزدار تٸركەلگەن. بٸز تيٸستٸ ەسەپتەۋلەر جٷرگٸزٸپ, وسىنداي پروبلەمالى قارىز الۋشىلاردى جالپى سانىن انىقتادىق. ەگەر بارشا بانك پەن ميكروقارجى ۇيىمىن, سونداي-اق بانكتەردٸڭ كوللەكتورلارعا ساتقان قارىزدارىن قامتىساق, وندا 1,5 ملن-عا جۋىق قارىز الۋشىنىڭ پروبلەمالى نەسيەسٸ بار», - دەدٸ ول.
اگەنتتٸك باسشىسى بانكتەردٸڭ بالانسىندا 430 مىڭعا جۋىق پروبلەمالى نەسيە تٸركەلگەنٸن ايتتى. ال قالعانى ميكروقارجى ۇيىمدارى مەن بانكتەردٸڭ بالانستان تىس تٸزٸمٸندە قامتىلعان.
