Amerika elderiniń sammiti qarsańynda birneshe myń migrant Ońtústik Meksikadan Qurama Shtattardyń shekarasyna bet aldy, dep habarlaidy QazAqparat Reuters-ke silteme jasap.
Migratsiia qyzmetkerleriniń aitýynsha, bul sońǵy jyldardaǵy óńirdegi eń aýqymdy bosqyndar kerýeni bolmaq. Kem degende 6 myń adam shekara mańyndaǵy Tapachýla qalasynan shyǵyp, AQSh shekarasyna qarai bet alǵan.
Meksika ulttyq migratsiia institýty toptyń naqty sany boiynsha eshbir málimet jariialamady.
Agenttiktiń jazýynsha, ómir súrý úshin jaqsy jaǵdai izdegen migranttardyń kópshiligi Venesýeladan kelgen.
Kerýen bosqyndary Los-Andjeleste ótetin sammitke qatysýdy josparlap otyr. Solaisha, memleketter kóshbasshylarynyń nazaryn kedeishilik pen zorlyq-zombylyqqa aýdaryp, bul jaǵdaiǵa dereý áreket etýge shaqyrmaq.
AQSh prezidenti Djo Baiden osy aptada kóshi-qon boiynsha óńirlik kelisim týraly úndeý jariialaityny kútiledi. Ol buǵan deiin eldiń immigratsiialyq saiasatyndaǵy jekelegen shekteý sharalaryn alyp tastaýǵa ýáde etken bolatyn.
Aita keteiik, ótken jyly AQSh-Meksika shekarasynan bosqyndardyń rekordty sany ótpek bolǵan edi.
