امەريكا ەلدەرٸنٸڭ سامميتٸ قارساڭىندا بٸرنەشە مىڭ ميگرانت وڭتٷستٸك مەكسيكادان قۇراما شتاتتاردىڭ شەكاراسىنا بەت الدى, دەپ حابارلايدى قازاقپارات Reuters-كە سٸلتەمە جاساپ.
ميگراتسييا قىزمەتكەرلەرٸنٸڭ ايتۋىنشا, بۇل سوڭعى جىلدارداعى ٶڭٸردەگٸ ەڭ اۋقىمدى بوسقىندار كەرۋەنٸ بولماق. كەم دەگەندە 6 مىڭ ادام شەكارا ماڭىنداعى تاپاچۋلا قالاسىنان شىعىپ, اقش شەكاراسىنا قاراي بەت العان.
مەكسيكا ۇلتتىق ميگراتسييا ينستيتۋتى توپتىڭ ناقتى سانى بويىنشا ەشبٸر مەلٸمەت جارييالامادى.
اگەنتتٸكتٸڭ جازۋىنشا, ٶمٸر سٷرۋ ٷشٸن جاقسى جاعداي ٸزدەگەن ميگرانتتاردىڭ كٶپشٸلٸگٸ ۆەنەسۋەلادان كەلگەن.
كەرۋەن بوسقىندارى لوس-اندجەلەستە ٶتەتٸن سامميتكە قاتىسۋدى جوسپارلاپ وتىر. سولايشا, مەملەكەتتەر كٶشباسشىلارىنىڭ نازارىن كەدەيشٸلٸك پەن زورلىق-زومبىلىققا اۋدارىپ, بۇل جاعدايعا دەرەۋ ەرەكەت ەتۋگە شاقىرماق.
اقش پرەزيدەنتٸ دجو بايدەن وسى اپتادا كٶشٸ-قون بويىنشا ٶڭٸرلٸك كەلٸسٸم تۋرالى ٷندەۋ جارييالايتىنى كٷتٸلەدٸ. ول بۇعان دەيٸن ەلدٸڭ يمميگراتسييالىق ساياساتىنداعى جەكەلەگەن شەكتەۋ شارالارىن الىپ تاستاۋعا ۋەدە ەتكەن بولاتىن.
ايتا كەتەيٸك, ٶتكەن جىلى اقش-مەكسيكا شەكاراسىنان بوسقىنداردىڭ رەكوردتى سانى ٶتپەك بولعان ەدٸ.
