Foto: pixabay.com
59 elde júrgen qazaqstandyqtar respýblikalyq referendýmǵa qatysa alady. Bul týraly QR SIM ókilderi málim etti, dep habarlaidy Ult.kz.
"QR Prezidentiniń ú.j. 2 qyrkúiektegi № 636 Jarlyǵyna sáikes 2024 jylǵy 6 qazanda Qazaqstanda atom elektr stantsiiasyn salý boiynsha jalpyrespýblikalyq referendým ótedi. Daýys berýge qatysý úshin belsendi sailaý quqyǵy bar, tiisti shet memlekette turatyn nemese jeke, qyzmettik, oqý, iskerlik pen týristik maqsatpen júrgen jáne QR azamatynyń jaramdy pasporty bar Qazaqstan Respýblikasynyń azamattary referendým ýchaskesi qurylǵan Qazaqstannyń diplomatiialyq nemese konsýldyq ókildigine júgine alady", - delingen SIM habarynda.
QR-dyń sheteldegi mekemelerinde daýys berý «Qazaqstan Respýblikasyndaǵy sailaý týraly» QR Konstitýtsiialyq zańynyń 38-shi babynyń 1-shi tarmaǵyna sáikes referendým ótkiziletin kúni (2024 jylǵy 6 qazan, jeksenbi) jergilikti ýaqyt boiynsha saǵat 07:00-den 20:00-ge deiin ótkiziletini aitylady.
Shetelde júrgen azamattar SIM saitynan referendým ótkiziletin oryndardyń mekenjaiyn kóre alady.
