57 úmitkerge «Bolashaq» halyqaralyq stipendiiasy taǵaiyndaldy. Mundai sheshim búgin QR Memlekettik hatshysy Qyrymbek Kósherbaevtyń tóraǵalyǵymen ótken Shetelde kadrlar daiarlaý jónindegi respýblikalyq komissiianyń kezekti otyrysynda qabyldandy, dep habarlaidy "Ult aqparat".
2020 jylǵy 26 qyrkúiek pen 7 qazan aralyǵynda ótken konkýrstyq irikteýdiń birinshi jáne ekinshi kezeń nátijeleri boiynsha «Bolashaq» halyqaralyq stipendiiasyn taǵaiyndaý úshin Shetelde kadrlar daiarlaý jónindegi respýblikalyq komissiianyń qaraýyna 59 úmitkerdiń materialdary usynyldy. Onyń ishinde 50 úmitker magistr dárejesin alý úshin sheteldik joǵary oqý oryndaryna óz betimen túskender, doktor dárejesin alýǵa 7 úmitker, taǵylymdamadan ótýge 2 úmitker konkýrstyq irikteýge qatysty.
Úmitkerlerdiń kópshiligi Ulybritaniia (28 adam), AQSh (19 adam) jáne Avstraliiada (7 adam) oqýǵa qujat tapsyrsa, eń azy Shveitsariia, Daniia, Jańa Zelandiia, Izrail, Resei siiaqty elderdiń enshisinde.
Shetelde kadrlar daiarlaý jónindegi respýblikalyq komissiia otyrysynyń qorytyndysy boiynsha 57 úmitkerge «Bolashaq» halyqaralyq stipendiiasyn taǵaiyndaý týraly sheshim qabyldandy.
Aita keterligi, biyldan bastap «Bolashaq» halyqaralyq stipendiiasyn taǵaiyndaý úshin konkýrstyq rásimder tolyǵymen avtomattandyryldy. Úlgi retinde Prezidenttik jastar kadr rezervine irikteý júiesi tańdap alyndy.
Esterińizge sala ketsek, «Bolashaq» halyqaralyq stipendiiasy Qazaqstan Respýblikasy Prezidentiniń 1993 jylǵy 5 qarashadaǵy №1394 qaýlysymen bekitilgen. Baǵdarlamany iske asyrýdyń 26 jylynda 13 976 stipendiia taǵaiyndaldy, onyń ishinde 1994 jyldan 2004 jylǵa deiin – 785 stipendiia, 2005 jyldan 2020 jylǵa deiin – 13191 stipendiia úlestirildi. 13191 stipendiianyń 3379-y bakalavriat, 7229-y magistratýra, 35-i aspirantýra, 87-si klinikalyq ordinatýra, 347-si doktorantýra, 2114-i taǵylymdama baǵdarlamasy boiynsha oqýǵa arnaldy.
2020 jylǵa barlyǵy 555 stipendiia bólindi, onyń 395-i magistratýra baǵdarlamasyna, 50-i doktorantýra baǵdarlamasyna jáne 110-y taǵylymdamadan ótýge arnalǵan. Eki irikteý qorytyndysy boiynsha 163 stipendiia taǵaiyndaldy, onyń 143-in «magistratýra», 13-in «doktorantýra», al 7-in «taǵylymdama» baǵdarlamalary quraidy.
