Foto: Almaty oblysynyń Óńirlik kommýnikatsiialar qyzmeti
Qarjy monitoringi agenttiginiń Almaty qalasy boiynsha departamenti 5,6 milliard teńge tsifrlyq aktivterdiń zańsyz ainalymyn jasaǵan jasóspirimge qatysty tergeýdi aiaqtady, dep habarlaidy agenttik.
Kámeletke tolmaǵan kúdikti 2020 jyly qyrkúiekte "Telegram" messendjeri men "OLX" platformasynda aiyrbastaý operatsiialaryn júrgizetini týraly habarlandyrýlar ornalastyrǵan.
"Binance" kriptobirjanyń paidalanýshylary tek eresekter bola alatyndyqtan, ol akkaýnt jasaý úshin aǵasyna verifikatsiiadan ótýin suraǵan. 2021 jyly ol ainalym somalaryn bólshekteý jáne buǵattaý táýekelin tómendetý maqsatynda óziniń týystarynyń atyna qosymsha taǵy úsh akkaýnt tirkegen", - deidi qarjylyq monitoring agenttigindegiler.
Kúdikti jasóspirim 2021-2024 jyldar aralyǵynda jalpy somasy 5,6 milliard teńge tsifrlyq aktivterdiń zańsyz ainalymyn jasaǵan. Kórsetken qyzmeti úshin 0,5%-ten 2,5%-ke deiin syiaqy alyp otyrǵan.
"Kúdikti óziniń zańsyz tabysyna Mitsubishi avtokóligin satyp alǵan, sottyń sheshimimen bul avtokólikke tyiym salyndy. Sot úkimimen ol Qylmysyq kodekstiń 214-babynyń 2-bóligi 2-tarmaǵy "Zańsyz kásipkerlik, asa iri mólsherde tabys alýmen ushtasqan" boiynsha kináli dep tanylyp, 2,5 jylǵa erkindigin shekteý jazasyna kesildi", - deidi vedomstvodaǵylar.
Sondai-aq memleket kirisine 5 172 USDT tsifrlyq aktivteri men Mitsubishi avtokóligi tárkilendi.
Eske salaiyq, byltyr jalpy ainalymy 60 mlrd teńge bolatyn 36 zańsyz kripto aiyrbastaý pýnkti joiyldy. Shamamen 2,5 mlrd teńge (4,8 mln USDT) somasyna aktivter buǵattalyp, tárkilengen.
