Syrtqy ister ministrliginiń resmi ókili Aibek Smadiiarov Ýkrainanyń Lvov qalasyndaǵy Qazaqstannyń konsýldyǵy aldyna 55 azamattyń jinalǵanyn aitty.
Resmi ókildiń sózinshe, atalǵan azamatar Polsha arqyly elge qaitarylmaq, dep habarlaidy QazAqparat.
«Bizdiń ministrlik Polsha arqyly repatriatsiialyq áýe reisin uiymdastyrýǵa ruqsat aldy. Lvovtaǵy jaǵdaiǵa kelsek, elge jetý úshin Qazaqstannyń sondaǵy konsýldyǵy ǵimaratynyń aldyna 55 otandasymyz jinaldy. Olar Polsha arqyly kelmek. Bul azamattar jaqyn mańdaǵy mektep aýmaǵyn panalaǵan edi. Alaida nysandy atý múmkindigine bailanysty azamattar ol jerden shyǵaryldy. Bizdiń konsýldyń aitýynsha, kólikpen qamtamasyz etýde qiyndyq týyndap jatyr. Shekarada jiberilgen alǵashqy reis áli Lvovqa oralmady, olar kepteliste tur», - Smadiiarov ministrlikte ótken brifingte.
Resmi ókildiń málimdeýinshe, azamattardy jetkizýde kóliktiń baǵasy aitarlyqtai ósken.
«Keibir avtobýstar birneshe kún kepteliske turyp qalýy múmkin ekenin bilip, jol júrýden bas tartyp jatyr. Beibit ýaqytta kóliktiń quny qoljetimdi bolsa, qazir bir avtobýs úshin 20 myń dollarǵa deiin surap otyr. Sondyqtan bul máseleni biz konsýldyq mamandarymen birlesip sheshetin bolamyz. Azamattarymyzdy shydamdylyqqa shaqyramyz», - deidi ol.
