سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ۋكراينانىڭ لۆوۆ قالاسىنداعى قازاقستاننىڭ كونسۋلدىعى الدىنا 55 ازاماتتىڭ جينالعانىن ايتتى.
رەسمي ٶكٸلدٸڭ سٶزٸنشە, اتالعان ازاماتار پولشا ارقىلى ەلگە قايتارىلماق, دەپ حابارلايدى قازاقپارات.
«بٸزدٸڭ مينيسترلٸك پولشا ارقىلى رەپاترياتسييالىق ەۋە رەيسٸن ۇيىمداستىرۋعا رۇقسات الدى. لۆوۆتاعى جاعدايعا كەلسەك, ەلگە جەتۋ ٷشٸن قازاقستاننىڭ سونداعى كونسۋلدىعى عيماراتىنىڭ الدىنا 55 وتانداسىمىز جينالدى. ولار پولشا ارقىلى كەلمەك. بۇل ازاماتتار جاقىن ماڭداعى مەكتەپ اۋماعىن پانالاعان ەدٸ. الايدا نىساندى اتۋ مٷمكٸندٸگٸنە بايلانىستى ازاماتتار ول جەردەن شىعارىلدى. بٸزدٸڭ كونسۋلدىڭ ايتۋىنشا, كٶلٸكپەن قامتاماسىز ەتۋدە قيىندىق تۋىنداپ جاتىر. شەكارادا جٸبەرٸلگەن العاشقى رەيس ەلٸ لۆوۆقا ورالمادى, ولار كەپتەلٸستە تۇر», - سماديياروۆ مينيسترلٸكتە ٶتكەن بريفينگتە.
رەسمي ٶكٸلدٸڭ مەلٸمدەۋٸنشە, ازاماتتاردى جەتكٸزۋدە كٶلٸكتٸڭ باعاسى ايتارلىقتاي ٶسكەن.
«كەيبٸر اۆتوبۋستار بٸرنەشە كٷن كەپتەلٸسكە تۇرىپ قالۋى مٷمكٸن ەكەنٸن بٸلٸپ, جول جٷرۋدەن باس تارتىپ جاتىر. بەيبٸت ۋاقىتتا كٶلٸكتٸڭ قۇنى قولجەتٸمدٸ بولسا, قازٸر بٸر اۆتوبۋس ٷشٸن 20 مىڭ دوللارعا دەيٸن سۇراپ وتىر. سوندىقتان بۇل مەسەلەنٸ بٸز كونسۋلدىق ماماندارىمەن بٸرلەسٸپ شەشەتٸن بولامىز. ازاماتتارىمىزدى شىدامدىلىققا شاقىرامىز», - دەيدٸ ول.
