Almatyda koronavirýs juqtyrǵan 244 adam jalpy reanimatsiia jáne qarqyndy terapiia bólimshesinde em qabyldap jatyr. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaidy "Ult aqparat".
3 mamyr kúngi aqparat boiynsha, bir táýlikte qalada 667 adam koronavirýs juqtyrǵan. Munyń ishinde simptomdy, jeńil jáne ortasha deńgeidegi belgilermen - 589, simptomsyz – 78 naýqas tirkeldi.
«Reanimatsiia jáne qarqyndy terapiia bóliminde 244 adam jatyr. Al 46 naýqas jasandy tynys alý apparatyna qosylǵan. Invazivti emes jasandy tynys alý apparatynda 78 adam em qabyldaýdy jalǵastyrýda. High flow-da 77 apparat jumys isteidi»,- dep habarlady basqarmadan.
Meditsinalyq-sanitariialyq alǵashqy kómek mobildi brigadalarynyń jáne Telemeditsina ortalyǵynyń ambýlatoriialyq baqylaýynda 5460 patsient bar. Onyń ishinde 4830 adamda indet belgileri bolǵan, olar ortasha aýyr jaǵdaida. 630 adamda koronavirýs belgileri joq.
Biylǵy jyldyń 1 aqpany men 2 mamyr aralyǵynda barlyǵy 222 754 adamǵa ekpe salyndy.
Ótken táýlikte 2 726 adam vaktsina aldy.
