Qazaqstan Respýblikasynyń Aýyl sharýashylyǵy ministrligi karantindik fitosanitariialyq baqylaýdy júzege asyrý kezinde Irannan, Túrkiiadan, Qytai Halyq Respýblikasynan, Koreia Respýblikasynan, Reseiden jáne Ózbekstannan ákelinetin 500 myń tonnadan astam importtyq karantinge jatqyzylǵan ónimdi ustady, dep habarlaidy "Ult aqparat" vedomstvonyń baspasóz qyzmetine silteme jasap.
«Biylǵy jyldyń 18 aqpan men 1 naýryz aralyǵynda Qazaqstan Respýblikasynyń aýmaǵyna fitosanitariialyq táýekeli joǵary karantinge jatqyzylǵan ónimdi zańsyz ákelýdiń 31 faktisi áshkerelenip, joly kesildi.
Atap aitqanda 14 jaǵdaida Resei Federatsiiasynan 152,7 tonna jemis-jidek pen sábiz, Irannan 45,2 tonna alma jáne Ońtústik Koreiadan 1 tonna júgeri unyn importtaý kezinde fitosanitariialyq sertifikattardyń joqtyǵy anyqtaldy.
Sonymen birge Resei Federatsiiasynan 113 tonna un, júgeri, qurma, limon, banan, kókónister men basqa da jemister, Túrkiiadan 80,4 tonna keptirilgen órik pen Anar jáne Ózbekstannan 123,3 tonna keptirilgen jemis importy kezinde ónim qaitalama tekserýge usynylmaýdyń 11 jaǵdaiy belgili boldy», - delingen habarlamada.
Sondai-aq onda 3 jaǵdaida Resei Federatsiiasynan 20 tonna kebek pen 30 tekshe metr kesilgen aǵash materialdary men Ózbekstannan 5,4 tonna anar importtaǵan kezde oramdarda tańbalaý bolmai shyqqqany aitylǵan.
Buǵan qosa Resei Federatsiiasynan 40 tonna limon importy kezinde ýákiletti organnyń ruqsatynsyz júrý jolynda ónimniń basqa meken-jaiǵa jiberilgeni áshkere boldy. Sondai-aq Qytai Halyq Respýblikasynan 58 tonna asqabaq iadrosynyń tuqymyn ákelý kezinde karantindik ónim jaramsyz fitosanitariialyq sertifikatpen ákelingen.
QR ÁQBtK-niń 400-babyna sáikes, ósimdikter karantini salasyndaǵy zańnamanyń buzylýyna jol bergen kináli tulǵalarǵa ákimshilik materialdar toltyrylyp, 1,9 mln teńgeden astam somaǵa aiyppul salyndy.
«Sonymen qatar, jyl basynan beri Qazaqstan Respýblikasy Aýyl sharýashylyǵy ministrligi ósimdikter karantini salasynda 320 zańbuzýshylyqty anyqtap, nátijesinde 24 mln teńgeden astam somaǵa ákimshilik aiyppul salyndy», - delingen ministrliktiń málimdemesinde.
