Biyl 500 júzge jýyq gidrotehnikalyq qurylystardy jóndeýge qarjy qarastyrý qajet. Bul týraly búgin Úkimet otyrysynda QR Tótenshe jaǵdailar ministri Iýrii Ilin málim etti, dep habarlaidy QazAqparat.
«Ministrlik ákimdiktermen birlesip, 2017 jyly el boiynsha kóktemde sý basýǵa neǵurlym beiim 905 eldi mekendi anyqtady. Sý tasqyny qaýpiniń aldyn alý jáne joiý jónindegi jol kartasyn iske asyrý aiasynda 2017 jyldan bastap 2020 jylǵa deiin el boiynsha úsh júzden astam eldi mekende sý basý qaýpiniń týyndaýyna jol berilmedi jáne taǵy da 314 eldi mekende qaýip-qater barynsha azaityldy. Al bul 70 myńnan astam turǵyn úi (71 055) jáne 350 myńnan astam», - dedi ol.
Onyń aitýynsha, tórt jyl ishinde óńirlerdiń ákimdikterimen birlesip, ózenderdiń neǵurlym qaýipti ýchaskelerinde injenerlik-qorǵaý jumystary júrgizildi. 11 myń shaqyrymnan astam kanaldar men aryq júieleri), avtomobil jáne temir joldarda ornalasqan 11 myńnan astam sý ótkizý qurylystary tazartyldy. 150 shaqyrym jýyq qorǵaý bógetteri men valdary turǵyzyldy, 26 gidrotehnikalyq qurylys jóndeldi.
Bul rette, 6 000 sý sharýashylyǵy qurylystarynyń 500-ge jýyq gidrotehnikalyq qurylystaryn jóndeý kerek. Osyǵan bailanysty, Ekologiia, geologiia jáne tabiǵi resýrstar ministrligi men óńirlerdiń ákimdikteri olardy biyl jóndeý úshin qarjy qarajatyn qarastyrýy tiis. Sondai-aq iesiz sý qoimalary men bógetterge komissiialyq tekserýdi uiymdastyrý kerek», - dedi Iýrii Ilin.
