بيىل 500 جٷزگە جۋىق گيدروتەحنيكالىق قۇرىلىستاردى جٶندەۋگە قارجى قاراستىرۋ قاجەت. بۇل تۋرالى بٷگٸن ٷكٸمەت وتىرىسىندا قر تٶتەنشە جاعدايلار مينيسترٸ يۋريي يلين مەلٸم ەتتٸ, دەپ حابارلايدى قازاقپارات.
«مينيسترلٸك ەكٸمدٸكتەرمەن بٸرلەسٸپ, 2017 جىلى ەل بويىنشا كٶكتەمدە سۋ باسۋعا نەعۇرلىم بەيٸم 905 ەلدٸ مەكەندٸ انىقتادى. سۋ تاسقىنى قاۋپٸنٸڭ الدىن الۋ جەنە جويۋ جٶنٸندەگٸ جول كارتاسىن ٸسكە اسىرۋ اياسىندا 2017 جىلدان باستاپ 2020 جىلعا دەيٸن ەل بويىنشا ٷش جٷزدەن استام ەلدٸ مەكەندە سۋ باسۋ قاۋپٸنٸڭ تۋىنداۋىنا جول بەرٸلمەدٸ جەنە تاعى دا 314 ەلدٸ مەكەندە قاۋٸپ-قاتەر بارىنشا ازايتىلدى. ال بۇل 70 مىڭنان استام تۇرعىن ٷي (71 055) جەنە 350 مىڭنان استام», - دەدٸ ول.
ونىڭ ايتۋىنشا, تٶرت جىل ٸشٸندە ٶڭٸرلەردٸڭ ەكٸمدٸكتەرٸمەن بٸرلەسٸپ, ٶزەندەردٸڭ نەعۇرلىم قاۋٸپتٸ ۋچاسكەلەرٸندە ينجەنەرلٸك-قورعاۋ جۇمىستارى جٷرگٸزٸلدٸ. 11 مىڭ شاقىرىمنان استام كانالدار مەن ارىق جٷيەلەرٸ), اۆتوموبيل جەنە تەمٸر جولداردا ورنالاسقان 11 مىڭنان استام سۋ ٶتكٸزۋ قۇرىلىستارى تازارتىلدى. 150 شاقىرىم جۋىق قورعاۋ بٶگەتتەرٸ مەن ۆالدارى تۇرعىزىلدى, 26 گيدروتەحنيكالىق قۇرىلىس جٶندەلدٸ.
بۇل رەتتە, 6 000 سۋ شارۋاشىلىعى قۇرىلىستارىنىڭ 500-گە جۋىق گيدروتەحنيكالىق قۇرىلىستارىن جٶندەۋ كەرەك. وسىعان بايلانىستى, ەكولوگييا, گەولوگييا جەنە تابيعي رەسۋرستار مينيسترلٸگٸ مەن ٶڭٸرلەردٸڭ ەكٸمدٸكتەرٸ ولاردى بيىل جٶندەۋ ٷشٸن قارجى قاراجاتىن قاراستىرۋى تيٸس. سونداي-اق يەسٸز سۋ قويمالارى مەن بٶگەتتەرگە كوميسسييالىق تەكسەرۋدٸ ۇيىمداستىرۋ كەرەك», - دەدٸ يۋريي يلين.
