50 mlrd teńgege 5000 otbasyǵa úi salý tiimdi me, álde 70 myń otbasynyń páter jaldaý shyǵynyn sýbsidiialaý tiimdi me? «Otbasy bank» AQ tóraǵasy Lázzat Ibragimova Facebook-tegi paraqshasy arqyly jelidegi osy mándegi synǵa jaýap berdi, dep habarlaidy QazAqparat.
Bank tóraǵasynyń aitýynsha, qazirdiń ózinde bastalyp úlgermegen baǵdarlama týraly daýly pikirler bar.
«Bóten turǵyn úidi nege jalǵa alý kerek, satyp alý quqyǵymen jalǵa beriletin turǵyn úi salýǵa ruqsat etilsin» - degen sarynda túrli syn aitylyp jatyr.
Munyń jaýaby qarapaiym: jylyna 50 mlrd teńgege ie bola otyryp, belgili bir qatań sharttar sheńberinde tańdalǵan 5000 otbasyny nemese 70 myń otbasyny qamtýǵa bolady. Tańdaý álbette maksimaldy qamtý paidasyna jasalady.
Indýstriia jáne infraqurylymdyq damý ministrligi «Otbasy bank» AQ-ǵa ákimdikter qalyptastyratyn, biryńǵai respýblikalyq elektrondyq bazasyndaǵy turǵyn úige muqtaj azamattardyń tizimin Banktiń suratýy boiynsha 3 (úsh) jumys kúni ishinde jiberedi», - dep jazdy Lázzat Ibragimova.
