Ulttyq ekonomika ministri Rýslan Dálenov «Diplommen aýylǵa» jobasy aiasynda jas mamandardy qoldaý sharalary týraly aityp berdi, dep habarlaidy QazAqparat.
«Mamandardy aýylǵa tartý úshin «Diplommen aýylǵa» jobasy iske asyrylýda. Byltyr 4 myńnan astam maman 1 200 aýylda jumysyn bastady. Bul turǵyda muǵalimder, dárigerler, mádeniet jáne sport qyzmetkerleri, sondai-aq veterinarlar men agronomdar qamtyldy», - dedi R. Dálenov onlain rejimde halyq aldynda esep berý barysynda.
Olar úshin baspanaǵa biýdjettik nesie túrinde memlekettik qoldaý kórsetiledi. Onyń joǵary somasy jyl saiyn artyp keledi. Búginde onyń kólemi 4,1 mln teńgeni qurady. Nesieleý stavkasy 15 jylǵa 0,01 paiyzdy qurady.
Sonymen qatar R. Dálenov joba aiasynda kóshetinderge arnaiy aqy qarastyrylǵanyn eske saldy.
«Biyl baspanaǵa biýdjettik nesie túrinde áleýmettik qoldaý sharalarymen taǵy da 5 myń jas maman qamtylady. Memleket basshysynyń tapsyrmasy boiynsha «Jastar jyly» aiasynda qarjylandyrý kólemi tórtten bir bólikke artyp, biyl onyń somasy 20 mlrd teńgege jetti», - dedi vedomstvo basshysy.
