Nursultan Nazarbaevtyń qamaýda otyrǵany nemere inisi Qairat Satybaldynyń 5 áieli, 11 balasy bar ekeni belgili boldy, dep habarlaidy Ulysmedia.kz.
Satybaldynyń resmi tirkelgen bir ǵana nekesi bolǵany belgili. Oligarhtyń burynǵy áieli Gúlmira Satybaldy ajyrasqannan keiin uzaq jyldar boiy AQSh-ta turdy. Ol Ýniversiada-2017 nysandaryn jóndeýge bólingen qarajatty urlady degen kúdikke ilinip, 16 naýryzda ustaldy. Tergeý jumystary áli júrip jatyr. Sot 9 shildede Gúlmira Satybaldyny qamaýda ustaý merzimin taǵy bir aiǵa uzartty.
Eks-prezidenttiń baýyry odan bólek taǵy tórt áiel alǵany anyqtaldy: Ásel, Saida, Asyljan jáne Angela. Alaida olarmen tek musylmandyq jolmen neke qiǵany bolmasa, resmi úilenbegen.
Esimin atamaýdy ótingen derekkóz Qairat Satybaldynyń tergeý izoliatorynda otyryp óziniń beiresmi áielderiniń birimen nekesin zańdastyrǵaly jatqanyn habarlady.
Eske sala ketsek, Nursultan Nazarbaevtyń nemere inisi osy jyldyń 13 naýryzynda Almaty áýejaiynyń aýmaǵynda ustalǵan edi. Dýbaiǵa ushpaq bolǵan ol 1,5 mlrd AQSh dollaryn ala ketkisi kelgen.
1 shildeden bastap Qairat Satybaldy "Qazaqtelekomdaǵy" úlesinen tolyq aiyryldy.
