«5-10-20» baǵdarlamasy aiasynda bankte nesiesi maquldanǵan azamatqa páter izdep tabýǵa beriletin ýaqyt 6 aiǵa deiin uzartylady. Bul týraly «Qazaqstannyń turǵyn úi qurylys jinaq banki» AQ Ortalyq filialynyń direktory Jansultan Mataev aitty, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihatynda BAQ ókilderi «7-10-20» baǵdarlamasy arqyly bankten nesiesi maquldanǵan azamatqa páter tabýǵa eki ai ýaqyt beriletindigin ári bul merzimniń jetkiliksiz ekendigin aitqan edi.
Osy máselege orai jaýap bergen Jansultan Mataev atalǵan merzimdi uzartý máselesi pysyqtalyp jatqanyn aitty.
«Iá, búgingi tańda erejege sáikes 2 ai ýaqyt beriledi. Ony jetkiliksiz deýshilermen kelisemiz. Qazir banktiń nesielik komitetinde páter tabýǵa beriletin merzimdi sozý, iaǵni 2 aidan 6 aiǵa deiin uzartý máselesi qarastyrylyp jatyr. Bizge de osy máselege qatysty klientterden kóptegen saýal túsip jatyr. Jaqyn arada sheshimimizdi habarlaimyz», - dedi ol.
