«5-10-20» باعدارلاماسى اياسىندا بانكتە نەسيەسٸ ماقۇلدانعان ازاماتقا پەتەر ٸزدەپ تابۋعا بەرٸلەتٸن ۋاقىت 6 ايعا دەيٸن ۇزارتىلادى. بۇل تۋرالى «قازاقستاننىڭ تۇرعىن ٷي قۇرىلىس جيناق بانكٸ» اق ورتالىق فيليالىنىڭ ديرەكتورى جانسۇلتان ماتاەۆ ايتتى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا باق ٶكٸلدەرٸ «7-10-20» باعدارلاماسى ارقىلى بانكتەن نەسيەسٸ ماقۇلدانعان ازاماتقا پەتەر تابۋعا ەكٸ اي ۋاقىت بەرٸلەتٸندٸگٸن ەرٸ بۇل مەرزٸمنٸڭ جەتكٸلٸكسٸز ەكەندٸگٸن ايتقان ەدٸ.
وسى مەسەلەگە وراي جاۋاپ بەرگەن جانسۇلتان ماتاەۆ اتالعان مەرزٸمدٸ ۇزارتۋ مەسەلەسٸ پىسىقتالىپ جاتقانىن ايتتى.
«يە, بٷگٸنگٸ تاڭدا ەرەجەگە سەيكەس 2 اي ۋاقىت بەرٸلەدٸ. ونى جەتكٸلٸكسٸز دەۋشٸلەرمەن كەلٸسەمٸز. قازٸر بانكتٸڭ نەسيەلٸك كوميتەتٸندە پەتەر تابۋعا بەرٸلەتٸن مەرزٸمدٸ سوزۋ, ياعني 2 ايدان 6 ايعا دەيٸن ۇزارتۋ مەسەلەسٸ قاراستىرىلىپ جاتىر. بٸزگە دە وسى مەسەلەگە قاتىستى كليەنتتەردەن كٶپتەگەن ساۋال تٷسٸپ جاتىر. جاقىن ارادا شەشٸمٸمٸزدٸ حابارلايمىز», - دەدٸ ول.
