Astanada avtobýs salonynda áiel adam kóz jumdy, dep habarlaidy QazAqparat Astana LRT-ǵa silteme jasap.
«24 qańtar kúni №48 avtobýs salonynda 1969 jyly týǵan áiel adam kóz jumdy. Dárigerlerdiń aldyn ala bergen aqparattaryna qaraǵanda, ol júrek talmasynan qaitys bolǵan», - dep jazady Astana LRT-nyń Qoǵammen bailanys departamentiniń direktory Naýat Azanbaeva óziniń Feisbýktegi paraqshasynda.
Naýat Azanbaevanyń sózine qaraǵanda, áiel avtobýsqa saǵat 19:00 «Artem» bazarynan Orbita shaǵyn aýdanyna qatynaityn baǵytqa otyrǵan. Jolaýshynyń aiaq astynan júregi qysylǵan, jedel meditsinalyq kómek shaqyryldy. Oqiǵa ornyna jetken dárigerler áieldiń saǵat 19:08-da kóz jumǵanyn anyqtady. Oqiǵa boiynsha tergeý amaldary júrgizilip jatyr.
