استانادا اۆتوبۋس سالونىندا ەيەل ادام كٶز جۇمدى, دەپ حابارلايدى قازاقپارات استانا LRT-عا سٸلتەمە جاساپ.
«24 قاڭتار كٷنٸ №48 اۆتوبۋس سالونىندا 1969 جىلى تۋعان ەيەل ادام كٶز جۇمدى. دەرٸگەرلەردٸڭ الدىن الا بەرگەن اقپاراتتارىنا قاراعاندا, ول جٷرەك تالماسىنان قايتىس بولعان», - دەپ جازادى استانا LRT-نىڭ قوعاممەن بايلانىس دەپارتامەنتٸنٸڭ ديرەكتورى ناۋات ازانباەۆا ٶزٸنٸڭ فەيسبۋكتەگٸ پاراقشاسىندا.
ناۋات ازانباەۆانىڭ سٶزٸنە قاراعاندا, ەيەل اۆتوبۋسقا ساعات 19:00 «ارتەم» بازارىنان وربيتا شاعىن اۋدانىنا قاتىنايتىن باعىتقا وتىرعان. جولاۋشىنىڭ اياق استىنان جٷرەگٸ قىسىلعان, جەدەل مەديتسينالىق كٶمەك شاقىرىلدى. وقيعا ورنىنا جەتكەن دەرٸگەرلەر ەيەلدٸڭ ساعات 19:08-دا كٶز جۇمعانىن انىقتادى. وقيعا بويىنشا تەرگەۋ امالدارى جٷرگٸزٸلٸپ جاتىر.
