Foto: QR MAM
Mádeniet jáne aqparat ministri Aida Balaeva elimizde eskertkish ornatý tártibin qatań saqtaý qajettigin eskertti, dep habarlaidy Ult.kz.
Ministr sońǵy jyldary eskertkishterdi zańsyz ornatý faktileriniń jiilep ketkenin atap ótti.
Mádeniet ministrliktiń dereginshe, sońǵy bes jylda on óńirde 49 eskertkish zań talaptaryn saqtamai ornatylǵan. Eń kóp buzýshylyq Túrkistan (17) jáne Qostanai (15) oblystarynda tirkelgen. Kei jobalar respýblikalyq komissiianyń maquldaýynsyz, keibiri jeke menshik aýmaqtarǵa ornatylǵan.
«Eskertkish ornatý – tek yqylas pen niet emes, eń aldymen tártip pen jaýapkershilik. Bul – keler urpaqqa degen amanat», – dedi ministr.
Ol jergilikti atqarýshy organdarǵa zańsyz eskertkishterge jol bermeýdi jáne baqylaýdy kúsheitýdi tapsyrdy. Sondai-aq eskertkishterdi ornatý tártibi «Tarihi-mádeni mura obektilerin qorǵaý jáne paidalaný týraly» zańmen jáne ministrlik bekitken qaǵidalarmen retteletinin eske saldy.
Aida Balaeva tarihi tulǵalarǵa degen qurmettiń laiyqty deńgeide kórinis tabýy úshin qoǵamda mádeni tártip pen jaýapkershilik qajet ekenin aitty.
