Alataý qalasynda prokýratýra ómir boiy jeke basyn kýálandyratyn qujaty men jeke sáikestendirý nómirinsiz (JSN) ómir súrgen 46 jastaǵy áieldiń quqyǵyn qorǵady, dep habarlaidy ult.kz.
Anyqtalǵandai, áiel 1980 jyly dúniege kelgenimen, anasy onyń týýyn AHAT organdarynda tirkemegen. Keiin qujattaryn sotqa deiingi tártippen qalpyna keltirý múmkin bolmaǵan. Sebebi sol kezeńdegi meditsinalyq arhivter saqtaý merzimi aiaqtalǵan soń joiylǵan.
JSN-i bolmaǵandyqtan, áiel sotqa óz betinshe júgine almaǵan. Al buǵan deiin ápkesiniń atynan berilgen ótinish qanaǵattandyrylmaǵan.
Osyǵan bailanysty Alataý qalasynyń prokýratýrasy azamatshanyń quqyqtaryn qorǵaý maqsatynda sotqa onyń týý faktisin anyqtaý týraly talap aryz túsirgen.
Sot talapty qanaǵattandyrdy. Endi áiel jeke basyn kýálandyratyn qujattaryn rásimdep, meditsinalyq kómek alýǵa, resmi jumysqa ornalasýǵa jáne áleýmettik qoldaýdy paidalanýǵa múmkindik alady.
