Ortalyq kommýnikatsiialar qyzmetinde ótken brifingte QR DSM Sanitarlyq-epidemiologiialyq baqylaý komitetiniń tóraiymy Aijan Esmaǵambetova kezekshi synyp oqýshylary arasynda qansha bala koronavirýspen aýyryp jatqany týraly aitty, dep habarlaidy "Ult aqparat".
«Oqýdyń jańa formatyna kóshý sebebi – kezekshi synyptardyń oqýshylary arasynda aýrýshańdyqtyń tómendigi bolyp otyr. Ata-analardyń kópshiligi qazirgi kezde jumys isteidi. Júrgizilgen monitoringtiń nátijesi boiynsha mektepter oflain jumys isteýge daiyn ekendigi anyqtaldy», - deidi Aijan Esmaǵambetova.
Onyń aitýynsha, epidemiologiialyq ahýal nasharlaǵan jaǵdaida oqytý formaty boiynsha sheshimdi óńirlik bas memlekettik sanitarlyq dárigermen birlesip ákimdik janyndaǵy óńirlik shtab qabyldaityn bolady.
«1 qyrkúiek pen 16 qarasha aralyǵynda kezekshi synyp oqýshylary arasynda koronavirýs dertimen aýyrǵan 302 jaǵdai tirkeldi. Sondai-aq, virýstyq pnevmoniiaǵa qatysty 1 jaǵdai tirkeldi. Qazirgi ýaqytta 456 bala emdelip jatyr», - deidi QR DSM Sanitarlyq-epidemiologiialyq baqylaý komitetiniń tóraiymy Aijan Esmaǵambetova.
