ورتالىق كوممۋنيكاتسييالار قىزمەتٸندە ٶتكەن بريفينگتە قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا كەزەكشٸ سىنىپ وقۋشىلارى اراسىندا قانشا بالا كوروناۆيرۋسپەن اۋىرىپ جاتقانى تۋرالى ايتتى, دەپ حابارلايدى "ۇلت اقپارات".
«وقۋدىڭ جاڭا فورماتىنا كٶشۋ سەبەبٸ – كەزەكشٸ سىنىپتاردىڭ وقۋشىلارى اراسىندا اۋرۋشاڭدىقتىڭ تٶمەندٸگٸ بولىپ وتىر. اتا-انالاردىڭ كٶپشٸلٸگٸ قازٸرگٸ كەزدە جۇمىس ٸستەيدٸ. جٷرگٸزٸلگەن مونيتورينگتٸڭ نەتيجەسٸ بويىنشا مەكتەپتەر وفلاين جۇمىس ٸستەۋگە دايىن ەكەندٸگٸ انىقتالدى», - دەيدٸ ايجان ەسماعامبەتوۆا.
ونىڭ ايتۋىنشا, ەپيدەميولوگييالىق احۋال ناشارلاعان جاعدايدا وقىتۋ فورماتى بويىنشا شەشٸمدٸ ٶڭٸرلٸك باس مەملەكەتتٸك سانيتارلىق دەرٸگەرمەن بٸرلەسٸپ ەكٸمدٸك جانىنداعى ٶڭٸرلٸك شتاب قابىلدايتىن بولادى.
«1 قىركٷيەك پەن 16 قاراشا ارالىعىندا كەزەكشٸ سىنىپ وقۋشىلارى اراسىندا كوروناۆيرۋس دەرتٸمەن اۋىرعان 302 جاعداي تٸركەلدٸ. سونداي-اق, ۆيرۋستىق پنەۆمونيياعا قاتىستى 1 جاعداي تٸركەلدٸ. قازٸرگٸ ۋاقىتتا 456 بالا ەمدەلٸپ جاتىر», - دەيدٸ قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا.
