Qazaqstanda 2026–2027 oqý jyly qarsańynda áleýmettik osal sanattaǵy 450 myńǵa jýyq balaǵa mektepke daiyndalýǵa qarjylai qoldaý kórsetiledi, dep habarlaidy ult.kz.
Oqý-aǵartý ministrliginiń málimetinshe, 1 tamyz ben 30 qyrkúiek aralyǵynda Jalpyǵa mindetti bilim berý qory aiasynda oqýshylarǵa mektep formasyn, aiaq kiim men oqý quraldaryn satyp alýǵa qarajat bólinedi. Bul maqsatqa jergilikti biýdjetterden shamamen 23 mlrd teńge qarastyrylǵan.
Biyl bir balaǵa beriletin kómektiń eń tómengi mólsheri – 50 851 teńge. Bul ótken jylmen salystyrǵanda 10 paiyzǵa joǵary. Jergilikti biýdjet múmkindigine qarai keibir óńirlerde tólem kólemi budan da kóp bolýy múmkin.
Qarjylai qoldaý jetim balalarǵa, ata-anasynyń qamqorlyǵynsyz qalǵan balalarǵa, az qamtylǵan jáne ataýly áleýmettik kómek alatyn otbasylardyń balalaryna, sondai-aq ómirlik qiyn jaǵdaiǵa tap bolǵan oqýshylarǵa kórsetiledi.
Tólemdi alý úshin ata-analar nemese zańdy ókilder qajetti qujattardy balanyń bilim alyp jatqan uiymyna tapsyrýy tiis.
