قازاقستاندا 2026–2027 وقۋ جىلى قارساڭىندا ەلەۋمەتتٸك وسال ساناتتاعى 450 مىڭعا جۋىق بالاعا مەكتەپكە دايىندالۋعا قارجىلاي قولداۋ كٶرسەتٸلەدٸ, دەپ حابارلايدى ult.kz.
وقۋ-اعارتۋ مينيسترلٸگٸنٸڭ مەلٸمەتٸنشە, 1 تامىز بەن 30 قىركٷيەك ارالىعىندا جالپىعا مٸندەتتٸ بٸلٸم بەرۋ قورى اياسىندا وقۋشىلارعا مەكتەپ فورماسىن, اياق كيٸم مەن وقۋ قۇرالدارىن ساتىپ الۋعا قاراجات بٶلٸنەدٸ. بۇل ماقساتقا جەرگٸلٸكتٸ بيۋدجەتتەردەن شامامەن 23 ملرد تەڭگە قاراستىرىلعان.
بيىل بٸر بالاعا بەرٸلەتٸن كٶمەكتٸڭ ەڭ تٶمەنگٸ مٶلشەرٸ – 50 851 تەڭگە. بۇل ٶتكەن جىلمەن سالىستىرعاندا 10 پايىزعا جوعارى. جەرگٸلٸكتٸ بيۋدجەت مٷمكٸندٸگٸنە قاراي كەيبٸر ٶڭٸرلەردە تٶلەم كٶلەمٸ بۇدان دا كٶپ بولۋى مٷمكٸن.
قارجىلاي قولداۋ جەتٸم بالالارعا, اتا-اناسىنىڭ قامقورلىعىنسىز قالعان بالالارعا, از قامتىلعان جەنە اتاۋلى ەلەۋمەتتٸك كٶمەك الاتىن وتباسىلاردىڭ بالالارىنا, سونداي-اق ٶمٸرلٸك قيىن جاعدايعا تاپ بولعان وقۋشىلارعا كٶرسەتٸلەدٸ.
تٶلەمدٸ الۋ ٷشٸن اتا-انالار نەمەسە زاڭدى ٶكٸلدەر قاجەتتٸ قۇجاتتاردى بالانىڭ بٸلٸم الىپ جاتقان ۇيىمىنا تاپسىرۋى تيٸس.
