Foto: Unsplash
Qazgidromet 19 aqpanǵa Qazaqstanda daýyldy eskertý jariialady. Sinoptikter el aýmaǵynda qatty aiaz bolyp, jel soǵady dep boljap otyr, dep habarlaidy "Ult aqparat".
Shyǵys Qazaqstan oblysynyń soltústigi men shyǵysynda -45°S-qa deiin óte qatty aiaz bolyp, qar jaýady. Jel 15-18 m/s kúsheiedi.
Qaraǵandy oblysynyń ońtústigi men shyǵysynda 15-20 m/s jyldamdyqpen jel soǵady. Túnde oblystyń soltústigi men shyǵysynda -35-39°S qatty aiaz saqtalady.
Qyzylorda oblysynda ekpini 23 m/s bolatyn jel bolady. Qyzylordada jel 15-20 m/s kúsheiedi.
Ulytaý oblysynyń batysy men soltústiginde jel 15-20 m/s kúsheiedi.
Ońtústikte, Túrkistan oblysynyń taýly jáne taý bókterindegi aýdandarynda tuman bolady. Taýly aimaqtarda qar jaýady. Jel 23-28 m/s kúsheiedi. Shymkentte túnde jáne tańerteń tuman bolady. Túrkistanda jel 15-20 m/s kúsheiedi.
Kúndiz Abai oblysynyń ortalyǵynda, ońtústik-batysta, shyǵysta burqasyn bolady. Jel 15-20 m/s kúsheiedi.
Jambyl oblysynyń ońtústiginde, batysynda, taýly aimaqtarynda burqasyn bolady. Ońtústikte, oblystyń taýly aimaqtarynda tuman túsedi. Jel 23-28 m/s kúsheiedi. Tarazda túnde jáne tańerteń tuman túsedi.
18 aqpan 21:00-den 19 aqpan 21:00 deiin Óskemen, Ridder qalalarynda qolaisyz aýa raiyna bailanysty ekinshi dárejeli aýa raiynyń tómen deńgeii týraly eskertý saqtalady.
Tótenshe jaǵdailar ministrligi aýa raiynyń qolaisyzdyǵyna bailanysty azamattardy qaýipsizdik sharalaryn saqtaýdy surap úndeý joldady.
"Aýa-raiy jaǵdaiy men avtojoldardaǵy kólik qozǵalysynyń shekteýleri týraly aqparatty baqylańyzdar. Qatty jel kezinde jaqyn mańdaǵy ǵimaratta nemese qaýipsiz jerde jasyryný qajet. Aǵashtardan, ilýli turǵan konstrýktsiialardan, elektr jelilerinen jáne bilbordtardan aýlaq bolyńyzdar. Balalardy qaraýsyz qaldyrmańyzdar", - delingen TJM habarlamasynda.
Qatty aiaz tehnogendik órtterdiń kóbeiýine yqpal etýi múmkin. Osyǵan bailanysty biz joǵary qýatty elektr qurylǵylaryn bir ýaqytta qosý arqyly peshterdi qyzdyrmaýǵa nemese elektr jelilerin shamadan tys júktemeýge keńes beremiz.
