Atyraýda politseiler internet-alaiaqtardyń qurbany bolýǵa shaq qalǵan zeinetkerdi qarjylyq shyǵynnan saqtap qaldy, dep habarlaidy ult.kz.
Polisia.kz jazýynsha, qalanyń 69 jastaǵy turǵynyna belgisiz adam habarlasyp, ózin domofon júiesine qyzmet kórsetetin maman retinde tanystyrǵan. Ol 1414 nómirinen kelgen rastaý kodyn surap alǵan. Artynsha ózin bank qyzmetkeri retinde tanystyrǵan taǵy bir adam zeinetkerdiń atyna Kaspi Bank arqyly 2 million teńge kóleminde nesie rásimdelip jatqanyn aityp, senimine kirýge tyrysqan.
«Qazaqtelekom» AQ men politsiianyń birlesken is-qimyly nátijesinde kúmándi jaǵdai der kezinde anyqtaldy. Oqiǵa týraly aqparat alǵan Atyraý oblysy politsiia departamentiniń kiberqylmysqa qarsy is-qimyl basqarmasynyń qyzmetkerleri jedel áreket etti.
Tekserý barysynda zeinetkerdiń WhatsApp arqyly ózin bank qyzmetkeri retinde tanystyrǵan belgisiz tulǵamen sóilesip júrgeni belgili boldy. Politseiler túsindirý jumystaryn júrgizip, alaiaqtardyń áreketin toqtatty. Nátijesinde turǵyn 2 million teńge kólemindegi qarjylyq shyǵynnan aman qaldy.
Politsiia azamattarǵa beitanys adamdarǵa SMS arqyly kelgen kodtardy, bank kartasynyń derekterin jáne jeke málimetterdi bermeýge keńes beredi. Kúmándi qońyraý nemese habarlama túsken jaǵdaida áńgimeni birden toqtatyp, 102 nómirine habarlasý qajet.
