Foto: baq.kz
Eýropadan jumys tabamyn dep deldalǵa 400 myń teńge tólegen astanalyq áiel aqyry sotqa júginýge májbúr boldy, dep habarlaidy Ult.kz.
Astana sottarynyń málimetinshe, qala turǵyny kásipkermen kelisimshart jasasyp, shetelden jumys tabýǵa kómektesý qyzmetine tapsyrys bergen. Qyzmet quny 600 myń teńge bolyp belgilenip, áiel aldyn ala 400 myń teńge tólegen.
Kelisimge sáikes, kásipker tek aqparat berýmen shektelmei, bos jumys oryndaryn irikteý, keńes berý, daǵdylaryn baǵalaý, qujattardy daiyndaý jáne sheteldik jumys berýshiden maquldaý alýǵa deiingi barlyq protsesti qamtamasyz etýi tiis bolǵan. Alaida birneshe ai ótse de, naqty nátije bolmaǵan.
Aqshasyn qaitarýdy talap etken kezde kásipker qyzmet tolyq kórsetildi degen akt joldaǵan. Biraq klient oǵan qol qoiýdan bas tartyp, sotqa júgindi.
Sot barysynda kásipkerdiń tek jalpy keńes sipatyndaǵy aqparat joldap, ótinish berýshiniń derekterin sheteldik serikteske jiberýmen shektelgeni anyqtaldy. Al naqty jumys izdeý, suhbat uiymdastyrý nemese jumys berýshiden kelisim alý boiynsha eshqandai dálel usynylmaǵan.
Nátijesinde sot tólengen qarajatty, moraldyq ótemaqyny jáne sot shyǵyndaryn óndirip berý týraly sheshim shyǵardy. Sheshim zańdy kúshine endi.
