Pandemiiaǵa bailanysty Elbasy, «Nur Otan» partiiasynyń Tóraǵasy N.Á. Nazarbaevtyń tapsyrmasymen partiianyń Almaty qalalyq filialy halyqtyń áleýmettik turǵydan osal toptaryn qoldaý úshin birqatar keshendi shara uiymdastyrdy, dep habarlaidy "Ult aqparat".
Partiianyń baspasóz qyzmetiniń málimetinshe, asa qajettilikti talap etetin azamattarǵa ataýly kómek kórsetý maqsatynda «Birgemiz» respýblikalyq korynan qarjylandyrylatyn «Almaty Birgemiz» qory quryldy.
«Almaty Birgemiz» qory kómekke 23 myńnan astam adamǵa 50 myń teńgeden qarjy bóldi.
«Sondai-aq, «Birgemiz» respýblikalyq qory tarapynan Almaty qalasyna 2 mln meditsinalyq betperde jiberildi. Ol maskalar 40 myń turǵynǵa, iaǵni AÁK alatyndarǵa, 1-3 top múgedekterine, erekshe qajettiligi bar balalardy tárbielep otyrǵan otbasylarǵa jáne meditsinalyq-áleýmettik mekemelerge taratylady. Búgin maskalardy jetkizý boiynsha aktsiia qalanyń barlyq aýdandarynda bastaldy. Atalǵan sharaǵa 200 erikti jáne 120-ǵa jýyq avtokólik jumyldyryldy»,– dep habarlady partiianyń baspasóz qyzmeti.
Bul jumys kún saiyn kezeń-kezeńimen jalǵasatyn bolady.
.jpeg)