Shahandaǵy qaiǵyly oqiǵa 2012 jyly bolýy múmkin edi, sol ýaqytta turǵyn úidiń jertólesi ǵana qirap, abyroi bolǵanda, turǵyndar aman qalǵan, - dep habarlaidy "Ult aqparat" kaz.tengrinews.kz portalyna silteme jasap.
2012 jyldyń 1 qańtarynda saǵat 18.00-de Shahan kentiniń birneshe aýdanynda jaryq bolmai qalǵan. 1B yqshamaýdanynda №7 úidiń birinshi qabatynda turatyn Sáýle Mýsina men onyń kúieýi Botash Abzat keshki asty ishýge otyrǵan. Kenet áldeneniń jarylǵany estilip, eden kóterilip túsken. Artynsha shań kóterilgen. Otbasy shoshyp qalyp, kóshege qashyp shyqqan. Olar jertóleniń bir qabyrǵasynyń jarylystan opyrylǵanyn kórgen.
"Bizdiń qazandyq ta jertólede ornalasqan edi, biraq uzynynan jatqan, jarylys bolǵanda qabyrǵaǵa qysym berilgen, - deidi Sáýle. - Eki ákim de kelip, bizge jańa qazandyq ornatyp berdi, qabyrǵany jóndedi, osydan keiin másele sol kúi qalǵan. Biraq ot jaǵý bóliginde jóndeý jumystary sol kúii istelmedi, sol jaqtyń shańy áli páterimizge kóteriledi. Bizdiń ot jaǵýshymyz bolǵan, biraq ol zardap shekpedi. Eshkim qaza tappaǵan soń, qazirgidei shý bolǵan joq. Biraq bul oqiǵa eshkimdi de alańdatpady. Biraq biz áli kúnge qazandyq jaryla ma dep qorqamyz, al qazir tipti janymyz shyǵyp keterdei bolyp júrmiz".
© Tengrinews.kz
Al kúieýiniń aitýynsha, sol ýaqytta ákimdik jumysshylary qazandyq pen jertóleni úsh kún ishinde jasap bergen. "Osydan keiin bilik ortalyqtandyrylǵan jylý qazandyǵyn búkil qalaǵa salyp beretinin aitqan. Biraq olai bolmady. Ot jaǵýshymyz jaýapkershiligi bar adamǵa uqsaidy, jaryq jii óshpeitin boldy. Endi mine, tórt jyl ótkende sol 1 qańtarda tórtinshi úide osyndai sumdyq boldy", - deidi Botash Abzat.
Shahandyqtar kóp jyldan beri ortalyqtandyrylǵan jylýsyz otyrǵandyqtan, jylý máselesin jetik bilip alǵan. Kómirdiń sapasy, qazandyqtyń jylý júiesi jaily biletinderi kóp. Máselen, aitýlarynsha, kentte qoldanylatyn kómirdiń sapasy nashar. Al shahterler eldi mekeninde sapaly kómirge aqsha joq. Sondyqtan bes qabatty úilerdiń turǵyndary jylýdy ár páterde ornalasqan peshten alady. Sonyń saldarynan podezderiniń qabyrǵalary qara kúie men ys eken.
Eske sala keteiik, 1 qańtarda Shahtinsk qalasynyń mańyndaǵy Shahan aýylynda keshki ýaqytta turǵyn úidiń bir bóligi opyrylyp, 9 adam qaza tapqan bolatyn. Olardyń úsheýi er adam, úsheýi áiel, taǵy úsheýi balalar eken. Al keiin apattyń aldyn ala sebebi atalǵan edi. Al keiin apattyń aldyn ala sebebi atalǵan edi.
Sondai-aq, osyǵan deiin Shahan aýylynda úidiń qulaýynan qaza tapqandardyń otbasyna million teńgeden bólinetini habarlanǵan bolatyn. "Otbasylaryna qarjylai kómek kórsetý jaiynda. Ákimdik qaza tapqan ár adam úshin million teńgeden jáne 500 myń teńge aýrýhanada jatqan zardap shekkenderge bóledi. Sonymen qatar ákimdik qaza bolǵandardy jerleý rásimin jáne eske alýdy óz moinyna alady", - degen edi oblystyq ákimdiktiń baspasóz qyzmetindegiler.
