4 paiyzdyq avtonesieniń saqtandyrý shyǵyny kólik alýshynyń esebinen tólenedi. Bul týraly «Ónkerkásipti damytý qory» aktsionerlik qoǵamynyń ókilderi málim etti, dep habarlaidy QazAqparat.
«Nesie boiynsha syiaqy mólsherine keletin bolsa, Úkimettiń qaýlysymen 4 paiyzdyq syiaqy belgilendi. Bul syiaqy óspeidi. Degenmen, onyń qasynda banktiń kórsetken qyzmetteri boiynsha qosymsha tólemder bolýy kerek. Saqtandyrý shyǵyndary da bar. Bank óz táýekelin saqtandyrmai sizderge nesie bermeidi. Sondyqtan onyń shyǵyny nesie alýǵa tilek bildergen azamattyń esebinen júrgiziledi», - dedi qordyń basqarma basshysy Ǵalymjan Ádi.
Al qordyń basqarma tóraǵasynyń orynbasary Rinat Gapparov 4 paiyzdyq syiaqy mólsherlemesiniń úsitne qosalytan paiyzdyq ústemeler ár bankte ár túrli bolýy múmkin ekenin aitty.
«Jeńildetilgen avtonesie boiynsha ǵana emes, búkil nesieler boiynsha syiaqy mólsherlmesinen bólek jyldyq tiimdi syiaqy mólsherlemesi bar. Siz aityp otyrǵan nesieniń paiyzy osy turǵydan ósedi. Al Úkimet belgilegen 4 paiyz syiaqy mólsherlemesi óspeidi. Iá, qosymsha komissiialar men saqtandyrý shyǵyny bar. Syiaqy Úkimet qaýlysy boiynsha jeke tólenedi. Sondyqtan nesie qymbattap otyr. Al saqtandyrýsyz nesie ala almaisyz», - dep túsindirdi Rinat Gapparov.
