Vitse-premer Roman Skliar kólik satyp alý úshin jeńildetilgen avtonesieniń sharttaryn aitty, - dep habarlaidy Tengrinews.kz tilshisi.
Vitse-premer "Habar 24" telearnasyna bergen suhbatynda jeńildetilgen avtonesieniń jańa baǵdarlamasyna 100 mlrd teńge bólinetinin aitty.
"Osyǵan deiingi baǵdarlamada jyldyq paiyz 20, bastapqy jarna 4 paiyz bolsa, qazir jyldyq paiyz 4, bastapqy jarna 4 paiyz bolady. Bul 7 jylǵa esepteledi. Árine, 7 jyl kóp ýaqyt bolmaǵandyqtan kóbine arzan kólikter beriletini túsinikti. Degenmen, 71 myń azamat jańa kólikti qoljetimdi baǵamen satyp ala alady", - dedi Skliar.
