Elimizdiń aýmaǵyndaǵy 6 740 bei-bereket qoqys alańy joiyldy. Bul týraly QR Ekologiia, geologiia jáne tabiǵi resýrstar ministrligi Ekologiialyq retteý jáne baqylaý komitetiniń tóraǵasy Zulfýhar Joldasov aitty, dep habarlaidy QazAqparat.
«Azamattardy alańdatatyn taǵy bir ózekti másele – qoqystardy ornalastyrý. Qazirgi ýaqytta zańsyz qoqys alańdaryn ǵaryshtan monitoringileý júzege asyrylady. Onyń barysynda 7 328 zańsyz qoqys alańy anyqtaldy jáne 6 740-y nemese 89 paiyzy joiyldy», - dedi komitet tóraǵasy Ortalyq kommýnikatsiialar qyzmetindegi baspasóz máslihaty barysynda
Zulfýhar Joldasovtyń dereginshe, Qyzylorda, Atyraý oblystarynda, Almaty men Shymkent qalalarynda bei-bereket qoqys alańdary tolyǵymen joiylǵan.
Jalpy, Ekologiia ministrliginiń qaýyrt jelisine 479 ótinim tússe, onyń 54 paiyzy dál osy bei-bereket qoqys alańdaryna qatysty bolyp tur. Qordalanǵan problemany sheshý úshin jumys istep turǵan qoqys alańdaryn joiý jańa alańdardyń paida bolýyna jol bermeý boiynsha keshendi is-sharalar ázirlengen.
