ەلٸمٸزدٸڭ اۋماعىنداعى 6 740 بەي-بەرەكەت قوقىس الاڭى جويىلدى. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترلٸگٸ ەكولوگييالىق رەتتەۋ جەنە باقىلاۋ كوميتەتٸنٸڭ تٶراعاسى زۇلفۋھار جولداسوۆ ايتتى, دەپ حابارلايدى قازاقپارات.
«ازاماتتاردى الاڭداتاتىن تاعى بٸر ٶزەكتٸ مەسەلە – قوقىستاردى ورنالاستىرۋ. قازٸرگٸ ۋاقىتتا زاڭسىز قوقىس الاڭدارىن عارىشتان مونيتورينگٸلەۋ جٷزەگە اسىرىلادى. ونىڭ بارىسىندا 7 328 زاڭسىز قوقىس الاڭى انىقتالدى جەنە 6 740-ى نەمەسە 89 پايىزى جويىلدى», - دەدٸ كوميتەت تٶراعاسى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا
زۇلفۋھار جولداسوۆتىڭ دەرەگٸنشە, قىزىلوردا, اتىراۋ وبلىستارىندا, الماتى مەن شىمكەنت قالالارىندا بەي-بەرەكەت قوقىس الاڭدارى تولىعىمەن جويىلعان.
جالپى, ەكولوگييا مينيسترلٸگٸنٸڭ قاۋىرت جەلٸسٸنە 479 ٶتٸنٸم تٷسسە, ونىڭ 54 پايىزى دەل وسى بەي-بەرەكەت قوقىس الاڭدارىنا قاتىستى بولىپ تۇر. قوردالانعان پروبلەمانى شەشۋ ٷشٸن جۇمىس ٸستەپ تۇرعان قوقىس الاڭدارىن جويۋ جاڭا الاڭداردىڭ پايدا بولۋىنا جول بەرمەۋ بويىنشا كەشەندٸ ٸس-شارالار ەزٸرلەنگەن.
