Kórneki sýret: pexels.com
Eńbek jáne halyqty áleýmettik qorǵaý ministrligi Qazaqstanda 4 kúndik jumys aptasynyń engizilýine qatysty túsinikteme berdi, - dep habarlaidy Tengrinews.kz.
Ministrliktiń baspasóz hatshysy Sáken Dildahmettiń aitýynsha, 2013 jylǵy 1 shildeden bastap Eńbek kodeksi boiynsha engiziletin ózgeris jumys aptalaryn tolyǵymen 4 kúndikke aýystyrmaidy. Bul jerde jumys kestesin kezek-kezekpen aýystyrý týraly sóz bolyp otyr.
"Ózgeris aiasynda 4 kúndik, 5 kúndik jáne 6 kúndik jumys aptasyn kezekpen aýystyrý qarastyrylady. Mysaly, bir apta 5 kúndik bolsa, ekinshi aptada 4 kún jumys isteýge bolady. Bul jumys kestesi qyzmetkerdiń ótinishi boiynsha jumys berýshiniń kelisimimen bekitilýi múmkin. Sóitip, 4 kún jumys isteitin qyzmetkerde qosymsha demalatyn bir kún paida bolady", - dedi ol.
Sáken Dildahmet bul tájiribeni keibir jumys berýshiler qoldanyp júrgenin jáne ol eńbek salasyndaǵy halyqaralyq standarttarǵa sáikes keletinin aitty.
Baspasóz hatshysy bul rejimdi engizý qyzmetkerge jeke jáne otbasylyq qajettiliktermen jumys isteý mindetin úilestirýge múmkindik beretinin aitady.
"Mundai rejimde jumys isteý qyzmetker úshin jyl saiynǵy aqyly eńbek demalysynyń uzaqtyǵyna, Eńbek kodeksinde, eńbek, ujymdyq sharttarda jáne kelisimderde belgilengen eńbek salasyndaǵy eńbek ótilin jáne basqa da quqyqtaryna shekteýler týǵyzbaidy", - deidi ol.
