QR IIDM Indýstriialyq damý komiteti tóraǵasynyń orynbasary Oljas Saparbekov 4 paiyzben kólik alý baǵdarlamasyna suranys óte joǵary ekenin málimdedi, dep habarlaidy Ulysmedia.kz.
«4 paiyzdyq kólikke degen suranystyń kóptigine bailanysty ekinshi deńgeidi bankter jańa ótinimderdi qabyldap jatyr. Alaida kólikterdiń «bosaý» mólsherine qarai beredi. Sol sebepti qazirgi ýaqytta baǵdarlamaǵa degen suranys artyp ketti. Baǵdarlama ekinshi deńgeili bankter arqyly júzege asyrylady. Olar: Halyq bank, Eýraziia banki, Jýsan bank, Bank Tsentr kredit jáne Forte bank», - dedi Oljas Saparbekov OKQ alańynda ótip jatqan baspasóz máslihatynda.
Onyń aitýynsha, Qazaqstan úkimeti 15 sáýirde qaýly shyǵaryp, avtonesieleýdiń jańa baǵdardamasyn jariialaǵan. Oǵan 100 mlrd teńge bólinedi. Odan bólek avtobýs parkterin jańartýǵa lizingti qarjylandyrýǵa 30 mlrd teńge aýdarylady.
«Negizgi sharttar: shamamen 10 mln teńge turatyn kólik úshin 2 jyl kóleminde bir ótinim berýshi bir ret qarjylandyrylady. Qarjylandyrý merzimi – 7 jyl. Alǵashqy jarna 0 paiyz. Kólik quralynyń baǵasy 15 mln teńgeden asyp ketpeýi kerek. Baǵdarlamaǵa buryn da ótinim bergen azamattar qatysa alady. Kezek elektrondy túrde júrgiziledi», - dedi ol.
