Atmosferalyq fronttardyń ótýine bailanysty Qazaqstannyń basym bóliginde qar jaýyp, burqasyn bolady, - dep habarlaidy "Ult aqparat" "Qazgidromet" ortalyǵyna silteme jasap.
Sinoptikterdiń málimetinshe, erteń, 4 aqpanda elimizdiń batysy men soltústik-batysynda ǵana kún ashyq bolady, alaida kei jerlerinde tuman, kóktaiǵaq bolyp, jeldiń kúsheiýi yqtimal.
Almaty oblysynyń kei jerlerinde tuman, kóktaiǵaq bolyp, Jalańashkól aýdanynda jel kúsheiedi - sekýndyna 24-29 metr. Al, Jambyl, Ońtústik Qazaqstan oblystarynyń kei jerlerinde tuman, kóktaiǵaq, burqasyn bolady jáne jeldiń jyldamdyǵy sekýndyna 15-20 metrge deiin jetedi.
"Jambyl oblysynda túnde jeldiń ekpini sekýndyna 23 metrge deiin kúsheiedi. Batys Qazaqstan oblysynyń kei jerlerinde kóktaiǵaq, kúndiz jel, burqasyn bolady, sekýndyna 17-22 metr. Atyraý oblysynyń kei jerlerinde kúndiz jel soǵady - sekýndyna 15-20 metr. Qyzylorda, Aqtóbe, Qostanai, Soltústik Qazaqstan, Pavlodar, Shyǵys Qazaqstan oblystarynda tuman, Qaraǵandy oblysynda tuman men burqasyn kútiledi", - dep eskertti sinoptikter.
Sonymen qatar, Jambyl oblysynyń kei jerlerinde tuman, kúndiz kei jerlerde kóktaiǵaq bolady, jeldiń kúsheiýi 15-20, ekpini sekýndyna 23 metrge deiin jetedi. Ońtústik Qazaqstan oblysynyń kei jerlerinde tuman, tańerteń jáne kúndiz jel soǵady - sekýndyna 15-20 metr.
Qyzylorda, Mańǵystaý, Atyraý oblystarynyń kei jerlerinde tuman, kóktaiǵaq saqtalady, Mańǵystaý oblysynda túnde jeldiń jyldamdyǵy sekýndyna 15-20 metrge deiin jetedi. Aqtóbe, Qostanai oblystarynyń kei jerlerinde burqasyn, tuman bolady. Qaraǵandy, Soltústik Qazaqstan oblystarynyń kei jerlerinde tuman, Qaraǵandy oblysynda kúndiz jel kúsheiedi - sekýndyna 15-20 metr. Shyǵys Qazaqstan oblysynyń kei jerlerinde jel kúsheiip, sekýndyna 17-22 metrge deiin barady, túnde jáne tańerteń kei jerlerinde tuman túsedi.
