Foto: e-auction.gosreestr.kz
Shveitsariialyq Richard Mille brend saǵatynyń quny 394 million teńge jáne odan da kóp somany usyný úshin qazaqstandyqtardyń eshqaisysy aýktsionǵa qatysqysy kelmedi. Endi satýshylar "milliarder saǵaty" atanǵan taýardyń baǵasyn túsirip satýǵa tyrysady, - dep habarlaidy Tengrinews.kz saity.
"6 maýsymda ótken baǵany kótermelep satý ádisi boiynsha aýktsion sátsiz ótti dep tanyldy. Oǵan sebep - tirkelgen qatysýshylardyń joqtyǵy", - dedi Almaty qalasy Memlekettik múlik jáne jekeshelendirý departamenti ókilderi.
Kelesi aýktsion 30 maýsymǵa josparlanǵan, ol gollandiialyq ádispen ótedi. Onyń erejeleri mynadai:
"Ekinshi aýktsionǵa jyljymaityn múliktiń baǵasyn túsirý ádisi boiynsha baǵalaý baǵasynyń 50 paiyz bolatyn eń tómengi somamen aýktsionǵa shyǵarylady. Múliktiń bastapqy baǵasy baǵalaý baǵasyn úshke teń kóbeitkishke kóbeitý arqyly anyqtalady. Eń tómengi baǵa bastapqy qunynyń 50 paiyzyn bolsa, onda 197 million teńge bolady.
Eger satý obektisiniń bastapqy nemese burynǵy baǵasy ailyq eseptik kórsetkishtiń 100 000-nan 250 000 eselengen mólsherine deiin bolsa, ózgertý qadamy baǵany bes paiyzǵa tómendetý ádisimen aýktsionda belgilenedi", - dedi vedomstvo.
Eger saǵat osy aýktsiondarda satylmasa, onda olar saýda uiymyna satýǵa beriledi. Sońǵysy taýardy bastapqy baǵanyń 50 paiyzyna óteýi kerek. Onyń ústine, bul somanyń 30 paiyzy birden, al qalǵany jeke aýktsion sátti ótkennen keiin tólenýi tiis. Múlikti qandai aqshaǵa satý kerektigin saýda uiymynyń ózi sheshedi.
Osyǵan deiin qazaqstandaǵy memlekettik organdardaǵy sheneýnikter arasynda áigili shveitsariialyq Richard Mille brendiniń sýper-jeńil saǵattaryn satyp alýǵa eshkimniń qulshynysy joq ekenin habarlaǵan edik. 394 million teńgeniń taýaryn "milliarder saǵaty" dep ataidy. Onyń qolmen jasalǵan kómirtekti korpýsy bar. Baýy kómirtekti kiristirý arqyly toqyma materialdan jasalǵan. Saǵat 30 metr tereńdikte sý ótkizbeidi jáne ekskliýziv: osy saǵattyń qazirgi kúni bar bolǵany 50 danasy bar.
Richard Mille brendin álemniń ataqty adamdary taǵady. Onyń ishinde Rafael Nadal, Silvestr Stallone, Djeison Stethem, Djeki Chan, Dreik, Ed Shiran, Ilon Mask, Floid Meivezer, Roberto Manchini, Felipe Massa, Aleksis Pintýro, Kevin Hart, Dmitrii Peskov. Sheshenstan basshysy Ramzan Qadyrovtyń uly, sonymen qatar Katar hanzadalary Djoan ben Hamad pen Halifa bin Hamad.
