Foto: pixabay.com
Qyzylorda oblysynda biýdjet qarajatyn jymqyrǵany úshin sottalǵan aýyldyq klýbtyń esepshisine qatysty úkim qaita qaralyp, jaza merzimi ulǵaityldy. Bul týraly Bas prokýratýra habarlady.
Sot dereginshe, klýb direktory men esepshisi qyzmettik ókilettikterin paidalanyp, shamamen on jyl boiy júieli túrde qarjy jymqyryp kelgen. Olar mekeme qyzmetkerlerine negizsiz artyq jalaqy aýdaryp, keiin túrli syltaýmen qaitaryp alyp otyrǵan. Kóp jaǵdaida qyzmetkerler bul áreketterdiń zańsyz ekenin bilmegen.
Jalpy somasy 36 million teńgeni quraǵan zańsyz áreketteri úshin sot bastapqyda ekeýin de jeti jylǵa bas bostandyǵynan aiyrǵan. Alaida esepshige qatysty «Konstitýtsiianyń 30 jyldyǵyna bailanysty amnistiia týraly» zań qoldanylyp, jaza merzimi úshten birine qysqartylyp, 4 jyl 8 ai bolyp belgilengen.
Keiin sot aktileriniń zańdylyǵy tekserilgen kezde amnistiia normasynyń durys qoldanylmaǵany anyqtaldy. Prokýratýra mundai sanattaǵy isterge atalǵan zańnyń tek arnaiy normasy qoldanylýy tiis ekenin atap ótti. Iaǵni, asa iri kólemde senip tapsyrylǵan múlikti iemdený nemese alaiaqtyq jasaǵany úshin jaza tek besten bir bólikke ǵana qysqartylýy qajet.
Qadaǵalaý organynyń narazylyǵy negizinde kassatsiialyq sot apelliatsiialyq instantsiianyń qaýlysyn joidy. Nátijesinde esepshiniń jaza merzimi 5 jyl 7 aiǵa deiin ulǵaityldy.
