Jańa óńirlik standarttarǵa sáikes 3,5 myńnan astam aýyl jańartylady. Bul týraly «Nur Otan» partiiasynyń kezekten tys XX Sezinde QR Prezidenti Qasym-Jomart Toqaev aitty, dep habarlaidy "Ult aqparat".
«Óńirlerdegi turmys sapasyn jaqsartý basty nazarymyzda bolady. Jańa óńirlik standarttarǵa sáikes, 3,5 myńnan astam aýyl jańartylatyn bolady. Barlyq qalalar men aýyldar sýmen qamtamasyz etiledi. 246 eldi mekenge gaz tartylady. Mundai eldi mekenderde 900 myń adam turady. Olardyń 350 myńnan astamy Nur-Sultan, Qaraǵandy, Jezqazǵan jáne Temirtaý qalalarynyń turǵyndary», - dedi Memleket basshysy.
QR Prezidenti 53 tazalaý qondyrǵysyn ornatý jáne jańǵyrtý arqyly elimizdiń barlyq óńirindegi aýyz sýdy tazartýǵa múmkindik týatyndyǵyn aitty. Bul osy saladaǵy túitkildi máseleniń utymdy sheshimi bolmaq.
«Jol qurylysy qolǵa alynady. Ár aýylǵa deiingi barlyq joldar, iaǵni 27 myń shaqyrym jol jóndeýden ótkiziledi. Oblys ortalyqtary men respýblikalyq mańyzy bar qalalar jyldamdyǵy joǵary 5G internetimen qamtamasyz etiledi. Sonymen qatar aýyldardyń 99 paiyzy osyndai múmkindikke ie bolady», - dedi Qasym-Jomart Toqaev.
